*** الإدارة ليست مسؤولة عن الإعلانات التي تظهر في أعلى وأسفل صفحات المنتدى ***
من طرف Twilight الأحد يناير 17, 2010 6:40 amهلاووو شلونكم
اليوم جبتلكم قصه مأساويه تلش تلش
يلة نبدي
جان ما جان في عتيكَ الزمان من جان البعير اسعاف
جان أكو أبو بريص هستوة ديراهق
المهم هذا ابو بريص ابهيج عمر يتخبل وحب الشباب وذني السوالف
وجان أيرتب بنفسة حيل كلش ومعجب بنفسة مو اشلون مجان شايف نفسة سحلية ليموزين ((يعني طولها 7 امتار))
عجبتة سحلية اصغيرة هم بعدها اصغيرونة ((مراهقة بوية))
المهم سولف لجماعتة الهتلية الابو بريصات
جماعتة شجعوه وكَاموا ايعربنون بيه
أمداك ولك لحكَـ راح أتروح من أيدك هو هم ما قصر اتعربن الولد اقصد ابو البريص
المهم قرر ايصارحهة --------عااااااااااااااااااا أويلي
وقرر هيج يوم بلشهر الفلاني ايروح ايصارحهة ((يا الله))
المهم أجة اليوم ألي بي ايريد ايصارحهة وانتو تدرون هاي الفترة كلها هو ميطلع للشارع ولا يلعب وية
جماعتة حتى لايصير اسود وتضربة الشمس خخخخ لحد ما اجة اليوم الي ايريد ايصارحهة بي طلع من باب الزرف مال حايط هع
واشلون صدفة يا سبحان الله والشكر بنفس اليوم البنية عدهة محاضرة مال خصوصي سادس أبيت
صديقتهة ما اذكر اسمهة شكسبير كَال ممنوع الاسامي
المهم فهو حضر نفسة لبس ذاك البدي والبنطرون الكلاسك خوي
وطبعن اشلون سبحة سبح انتوا بلعيد ما تسبحوها
وشعرة سواه سبايكي أويلي وخلالة تنكة جل
وطمس بتنكه بيهه ريحة الفرنسية
المهم كمل ولبس الزنجيل الذهب ومكتوب عليهة انتي حبي
والحذاء ما تكَولون حذاء من هذا ابو الخمسين متر مثل مال اخونا سندباد
أخذ موبايلة n92 هع ولبس مناظر مال تامر حسني
طلع شاب شكَاكي يعني لو تشوفوا تزوجوا
راح لزم راس الفرع((راس الزاوية مال هول))أي
وطلعت الحاتة أويلي هو انتهة فلمة لا أكلكم ولا تكَولولي وهي عيني يبوو اشلون مشيه عليها تتمزحف منا
ومنا اويلي ولابسة الكعب العالي يبوووو والميكـ اب ألي خالتة ايدوخ وكاوية شعرها بلأوتي هع وبدة الاخ
يتلوت وهو بعدة سرسري جديد على الشغلة وايخاف و حلكَة فاتحة مترتين عرض
المهم لمن اشوية ابتعدت عن بيت اهلة لل أبو بريص أشوية تشجع كَال هاي بعد متروح لآمي متندل بيتنة
يمكن المهم اتشجع اشوية وبدة يلحكَـ
جماعتة من بعيد شايليله هذا التلفون الصيني ابو 25 سماعة ومشغليلة اغنية
((ألحكـَ عيني الحكَـ الحكَـ لا يروح من حبيبك ألحكَـ لا يروح منك نصيبك))
صار عربانة ام خمسين جرخ
المهم أثناء ميلحكها ايفكر شكَللها شكللها ((سامعلة جم كلمة من الولد السرسرية))
أكللها ممكن أتعرف مو كَلبي اتزرف لو هلو لو مرحبا المهم راح داخ يبووو أتخربط الولد
فهي البنية حست اقصد الابو بريصة حست أكو احد ديلحكَهة وكفت اشوية
المهم أخونا ديفكر ومديباوع دربة وهي واكَفة جان يندعم بيها يبوو
كَام يتلكك بلحجي ا ا ا ا أ أ
فكَللها ممكن احجي كلمة وياج كالتلة اوكي احجي اتفضل بس بسرعة
صفن هو عليهة وراح لعالم الحلم هع هع البنية كَلتلة اخوية احجي شتريد
كَللها ها ا أ أ؟؟؟؟؟
أني من فترة جنت اراقبج وووووو وانتي عجبتيني وحبيتج اني
وووووووووووووو
ومداكَدر انام ليلي اذا ما تجين انتي على بالي
البنية !!!!!!!!!
اتعجبت عليه جان اطكَـ الضحكة هع بس اشلون ضحكة مال حقارة هههه
عبالك اتكَول حجالها نكتة اتخرب من الضحك ؟؟-----
اجة الرد الحاسم من الابنية وكَالتلة
::
::
::
؟؟؟؟؟
أني مخطوبة من ابن عمي بربوصي معروف بلمنطقة وبس أخلص سادس نتزوج أني وياه
فطلعتلة الحلقة مال خطوبة ما ادري امنين أذا هم عدهم 4 رجلينات المهم
الولد ابهاي اللحظة فقد حس الدنيا طلعت من عينة بلحظة وحدة وكلشي راح واشنغل التانكي مال دموع
وضل يبجي البنية وكَفت من الضحك ((طبعاً هي هاي الفترة بس تتمضحك))
كَالتلة من رخصتك أروح عندي درس خصوصي وصديقتي دكَتلي مسكول
وهو رجع لبيتهم طبعاً جماعتة كلهم طفروأ الشارع ما بيه ولاواحد ((الحايط))
المهم رجع للزرف مال حايط حزنان كلش وعيونة صايرات دعابل حمر
كَلتلة امه هلة يمة ما جاوبهة صعد لغرفتة وسد الغرفة بلحصواية امة ضلت اتصيح عليه ولك وليدي
المهم هو خطية عاش اصعب لحظة بحياتة ورح انطمر على الجرباية مالتة وفكر بلأنتحار((ديلة خالو قابل اخر ام بريصية بلعراق أكو احلة منهة ))
المهم شغلت الانتحار عافها كَام ايدور على حبوب شي يشربهة حتى ينسى
المهم لكَة ((سماوي وأبو الطبرة))
وفهو داخ وكام ايهلوس المهم طلع من الغرفة مالتة وراح لبيت جيرانة
وميدري ختية اجا نعال صفح يبوووووووو كَطمولة ذيلة
ختية المهم هاي الضربة نستة الحب و كلشي عن الحب
وعاش عيشة سعيدة
فهذي هي القصة المأساوية للشباب ألي ايحبون وياكلون بواري صفح
المؤلف:شكسبير
