[ندعوك للتسجيل في المنتدى أو التعريف بنفسك لمعاينة هذه الصورة]
حياكم الله شباب ... شلونكم ... انشالله مستانسين ...!!!!
اليوم جبت موضوع وأتمنى يصير تفاعل بين كل الأعضاء بيه ...
الموضوع واضح من عنوانه ... كل عضو مر بموقف (( مضحك ، غريب ، صعب ، محزن ... الخ )) يكتبا هنا وياريت تكثرون من المواقف المضحكة المارة بيكم ...
اني راح ابدا ....
امس الظهر مر بيه موقف يموت من الضحك ...
أهلي دزوني للمحل اجيب طماطة ... قبل لا اروح كلت خلي اخذ وياي ملزمة الكيميا مال دكتور حسين وأكلب بيها أحسن ما اروح خالي ... فأخذت الملزمة ورحت ... أثناء ما دا امشي ومندمج ويا المادة ما احس إلا نفسي رجعت ليورا متر كامل ... احزروا شصار ...
أثناء ما اني مدنك على الملزمة دا اقرا ركعت العامود كلله من هاي التعجبكم ... طبعا دا احجي جديات مو شقة ... المهم جم واحد جانوا واكفين ضحكوا عليه الما كالو بس واني هم ضحكت على روحي ..... شفتوا الكيميا شلون كابوس ... مو زين ما صار غير شي ..؟؟؟
ههههههههههههه
ادري بيكم انتو هم ضحكتوا عليه .... يلا احجولنا مواقفكم الحلوة ... خل اني اضحك عليكم هم مو بس انتو ...
[ندعوك للتسجيل في المنتدى أو التعريف بنفسك لمعاينة هذه الصورة]
عدل سابقا من قبل ☻♥المولے♥☻ في الأحد أبريل 25, 2010 9:39 pm عدل 1 مرات