شلونكم أطبائنا الورود .. اليوم جبتلكم قصة اعتقد الي يقراها بتمعن راح يضوج كلش كلش ... بس هذا الواقع ... إليكم القصة .
إبليس ناوي يغادر العراق ...
ابليــــس يصـــف الوضـــع والحالـــة في البلاد كان إبليس في غرفته , يلملم ملابسه في حقيبة إلى جانب باقي متعلّقاته ... على المنضدة القريبة كانت استقالته موقّعة ومختومة حسب الأصول , وبجوارها تقع تذكرة سفر إلى جزر برمودا الديمقراطية ..
كانت ملامح وجهه في تلك اللحظات تنطق بالحزن, والكآبة , والإحباط , واليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة,
واعترافٍ بالعجز والفشل إبليس راحلٌ عن بلادنا إلى غير رجعة...
فقال له أحد العراقيين .... وين يايمعود يبلا عليك ؟؟ وين شايل جوالاتك !!
يمعود ماكو مكان يلفيني يمكم , صارلي سنين عاطل عن العمل !!
ولك راح أموت من الجوع .. ماكو يمكم شغل وراح اروح وما أترك يمكم لا وسواس ولا خنّاس !
جنت بالاول أوسوس للوحدة تترك ولدها يبكي وهي تسولف مع جاراتها.هسة صاروامن كيفهم .. يرمون عيالهم أوّل ما يجون
جنت أوسوس للواحد ينسى يسمّي بالله قبل ما ياكل .هسة الواحد مايلكى شئ ياكله !
تدري اني ما اخلي الواحد يكول عالأكل بسم الله علمود اكل وياه ... تتصور أتسمم ذاك اليوم بالشاورمة ..
كنت أوسوس للشاب إنه يرميله كلمة للبنت وهي ماشية بالشارع . هسة صاروا البنات يرمون للشباب كلام أني استحي أكوله !!
واحد يسرق 100 مليون عيني عينك .. يسجنونه 3 سنين بقصر عالبحر بي كل الي يتمناه .
وأي إثنين كاتلهم الجوع ويدورون رزق بالزبالة يجون الشرطة ويعلسوهم
إنتو يفيدكم إبليس إنتوا ؟؟؟؟
صار عندكم فائض بالفساد يكفّي 30 سنة لي كدام يمعود صرت أخاف على نفسي منكم !! صرت مرّات أوسوس بالمقلوب .. أقول للمسؤول إرحم ... وللحرامي أكله اوكف .. خلّي شويّ للحراميّة اللي جايين بعدك ..
كل واحد منكم صاير ابليس وعنده شياطينه !! يعني إذا إنتو بوحدكم تسوون كل هالبلاوي أني إبليس شراح أسوي ؟ ششتغل ؟
اشتغل حارس أمن ؟؟؟؟
*******************
طبعا اعتقد ان المعنى واضح جدا وهذا واقع بلدنا الآن ومع كثير من الأسف ... القصة من قريته احس الدنيا ضاكت بيه وأعتقد انتو هم ... على العموم هذه الحقيقة ولكن :
(( ما أمررها من حقيقة ..!!! ))
منقول مع بعض الإضافات والتعديلات ...
[ندعوك للتسجيل في المنتدى أو التعريف بنفسك لمعاينة هذه الصورة]