الهداوة

له علامة في إبتسامه آآه من ذيك العلامه
وإبتسامه في علامة ماهي بعشق إبتسامه



سلّمت روحي لروحه وروحه تغازل جروحي
وإرحلت عيني بعينه وقـــت يارب الســـلامه



بالهداوه له صفاوه بـس في عيونه شــــقاوه
وإن تــــبسّم بالهداوه ياخذ شفاتـه هـــــداوه



الحـــــلاوه فيه كـــله وكلّه بعيــني حــــلاوه
في غرامه ياعـــيوني إبعديني عـــن غرامه



لا أبد ما هو بعادي وحتْ أنا ما صرت عادي
من بعد ماكنت عادي صار رجّــاف بـــفؤادي



كنت هادي وكان هادي وإبتدأ فيه العـــنادي
قال كلمه وإشغلتني وإختصر روعة كـــلامه



بس كلمه من كلامــــه ضيّعت مني صوابي
كيف لو جر بكلامه ياصـــــــوابي مـــادرابي



وإن طلب منّي جوابي يعلم الله وش جـوابي
خايف آضيّع جوابي إن غزت عينـي سهامه



بس ربّي حــــل دونه يــوم قاموا يزقــــرونه
قام وعيوني بعيونه ومن عـيونه طحت دونه



الشعر من قام غطّى وإنتــــثر غطّى مـــتونه
طول صر وشــــعر ناعم كنّه اللـــــيل بظلامه



زحمه وعالم تشوفه وتحـــرجه زينة وصوفه
يذبح وتذبح وصوفه ومن وصوفه يزيد خوفه



في كفوفه نقش حنّا وشـــــفت بالحنّا حروفه
روّح وكنّه يقلّي نلـــــــتقي بخير وســـلامـه

روز انت الاروع
شكرا أمير يسعدني مرورك

كلام جميل