رمضان كريم عليكم
وحبيت اطرح موضوع برنامج خلنه بوكا
اكيد كثير من الاعضاء متابعين لبرنامج خلنه بوكا على قناة البغدادية
ومع الاسف الشديد مع شديد الاسف تم تشجيع مثل هيج برامج
فكرة البرنامج حته تكونون على بينه
يجي الاستاذ الفاضل الشاب المبدع علي الخالدي وياخذ الفنان على فد مكان وعلى اساس علي الخالدي يرجع على موبايلة طبعا بسيارة الفنان
واذا بيهم يوكفون بسيطرة مال جيش عسكرية
ويلزكون للسيارة عبوه لاصقة بدون علم الفنان
وينزلوهم بالشارع ورح تنفجر العبوة ويتهمون الفنان بأنه هوه الي يريد يفجر قناة البغدادية
طبعا شيصير بالفنان مره رح يسجنو فد سنتين مره رح يموت وهسه تنفجر العبوة
والله البارحة طلع جاسم شرف فنان فكاهي معروف
بس اصار بي يمكن صار بي سكر
ميكدر يحجي ميكدر يفكر يرجف خوف
بلة هيه هاي كاميرا خفية؟
متخافون الله ؟ المهم نضحك؟
نضحك اوكي بس مو هيج؟
وين راحت الانسانية يا أستاذ علي الخالدي؟
مو حرام؟
ما اعرف انتو شنو رأيكم بالموضوع؟
شنو موقفك لو جنت بمكان الفنان؟
حسب رأيي / البرنامج سخيف بدرجة مو طبيعية .. الناس مناقصه يجي طفل يضحك عليها .. العتب على الحكومة تخلي هيج تصرفات .. والله اتمنى واحد من الفنانين يرفع قضية على المسؤول على البرنامج .. لان بهاي تصرفاته تجاوز كل القيم والاخلاق الانسانية طبعا اكو حاليا حملات لايقاف هذا البرنامج والبارحة وصلني كلام علي الخالدي الاصلي مقدم البرامج في قناة العراقية وليس علي الخالدي المزيف مقدم البرامج في قناة البغدادية
[ندعوك للتسجيل في المنتدى أو التعريف بنفسك لمعاينة هذه الصورة]
علي الخالدي (Ali Al Khalidi)
توضيح وتبرئة
ما يقدمه علي الخالدي مقدم برنامج خلي ن بوكا لا يمت بصلة لاسمي وعلى كل الذين استاءوا و فسقوا البرنامج من اساتذة كبار في الثقافة العراقية امثال محمد الاخرس والفنان مقداد عبد الرضا والصحفي حميد قاسم واخرين ان يوضحو ان الخالدي في البغدادية ليس هو نفسه علي الخالدي في العراقية كون الخلط حاصل منذ ان سرق الاسم ، ارجو تعميم التبرئة حتى لا يقع علي الانتقاد الجارح جراء افعال يمارسها سارق الاسم .
وهذا تسجيل للاتصال بين الحياة fm وعلي الخالدي :
[ندعوك للتسجيل في المنتدى أو التعريف بنفسك لمعاينة هذا الرابط]
عدل سابقا من قبل فلسفة رجل في الأربعاء أغسطس 25, 2010 7:56 am عدل 1 مرات