ردت اشوفك تيهت بيك الجمال
يا رقه وترافه التحمل عيونك
يا رقه وترافه التحمل عيونك
من شفنه الجمال البيك هذا منين
ما ميزنه لون الشمس من لونك
كتبولك كتب ورادو يوصفوك
وعجزت كل كتبهم ما يوصفونك
حاروا بيك جنهم وداخو وياك
ياصدر التحملة وشالتة متونك
ولو شافوك يمكن ايصير انقلاب
وتخربك الوادم لو يشوفونك
ولون شفنة ضحكتك مدري شيصير
وكون نصير شفه تعضهه بسنونك
نعم مغرور حقك هذا واقع حال
لان بيك حسنك صار مجنونك
كتابك بي لغز ويريد حلال
وتفهم يا عقول شيعني مضمونك
سويهة بحياتك واغلط وياي
واغلط ولو مرة وكلي شلونك
يردوني اعوفك واني ميت بيك
وما يدرون ما اعيش العمر دونك
ضم روحك بصدري واحضني وياك
واخاف عليك مني لا يبوكونك
شد روحك بدية وعكدني حيل وياك
حتى وياي انت وما يحلونك
اخليلك حرس من عين هاي الناس
صلفة عيون ناسك لا يحسدونك
داخت بيك كلهة وتغيرت الاوضاع
وكامو من كثر حبك يكرهونك
انتخابات الدول لون بيوم تنعاد
على الحلوين ريس هم يخلونك
احيانا تكون "الرسالة" بلسم ممن نحب ..
لكن لا تكون بديلة لصوت من أحببنا
I WaNt To Tell How MuCh .. ღ I LoVe YoU ღ