**مو ذنبي**
لا تظن الحب يا زين بالغصب
ولا تظن الذنب يا زين ذنبي
مااقدر أجامل ومااقدر أقولك أحب
ومو ذنبي إن الحب جابك لدربي
حبك يتيم مثل طفلٍ بلا أب
لأنك تعيش الحب من دون قلبي
بعيدٍ عن عيوني وبعيد عالقلب
بعيدٍ عن أفكاري ولا انت بجنبي
أنا ما أكرهك لا والذي يغفر الذنب
لكني ما أحسك تملكت حبي
ما أظن لك عندي علاج ولا طب
ودواك عند الله ربك وربي
حاول تنساني .. أنا ما اقدر أحب
وافرض على قلبك نكران حبي
يمكن تعاني في البداية وتتعب
لكن يجي يوم وتقول .. ماتت بقلبي