هذه قصيدة على الصداقة الغير حقيقية

آني القررت لحضة ما اسولف بيك
لان بس بيك اسولف أني تلجمني
امس سيف الخيانة انته الجرحت الروح
أصدك بيك لو رايد تضمدني
وهم سامع بسيف يضمد المجروح
اذا سامع اشتمك لا تعاتبني
مو انته الكلت أني الاخو الوفاي
وذبني عله الكلايف خويه بس ذبني
مازحتك جذب كتلك اريدك عون
اشو ضميت راسك ما تباوعني
اذا شغلت جذب ضميت راسك ليش
اذا صارت صدك هم عود تحضرني
أخليك الحكم وانته احكمنه بهاي
اذا وكت النفاهه وانته لابسني
انه مكسر كحوف الدنيه فوك الراس
خاف بفعلتك رايد تقشمرني
ولك شربة اميه اللي فعلته وياي
وعل كلاوات اعلم ما تعلمني
بس انته خطيه وكلت اجيبه وياي
ليش تريد تحفرلي وتوكعني
ما تكدرلي صدك انشد الودوك
ألاويها الصعاب ومايلاويني

مرحبـــــــــــــــــــــــــــــــــــــــــــــــــــــــاً



قصيــــــــــــــدة رائعه ... توضح فيها ماتوضح من معاني .... مفردات يعشقها اللسان


شكراً لكي يا ريد روز على هذه القصيده ... الضاهر حاده سنونك للانتخابات

العفو اخي بس والله هاي المواضيع من زمان محضرتهة بس ماالي خلك انزلهة

قصيده حلوة

يسلمووو ياورده

قصيده روعه يسلموا ريد روز وعاشت ايدينك

نور الموضوع بوجودكم انتو الابداع كولة

يسلموووو ريد روز .. قصيدة حلوة

تحياتي

مشكر باشا على مرورك نورت البيج

حلووووووووووووووووووووووة سلمت الانامل
مشكورة ريد روز على القصيدة

اهلا بيك والله انت محد يوصل لقصائدك خيو

مرتاح كلبة المايحب نايم رغد هنيالة
لايخطر ابالة ولف لاولف يتراوالة

اهلا بيك اخي ويانة منور المنتدى والموضوع