السلام عليكم ... شلونكم أحبابي ... شلون الصحة عساكم بخير وانشالله دوم بخير .
اليوم جبتلكم قصيدة من روائع المبدع نائل المظفر ... لمن قريتها وشفت ابداعها كلت لازم انشرها بالمنتدى . لا تفوتكم إليكم القصيدة :
لا تحط بيدي الشمس واحلامي بيك .... ولا تهيج عالفقير جروحه
ولا تكَلي بعسرك ويسرك اعيش .... وانت قصرك للسمه يمد روحه.
عوفني بحالي تراني بليه ايد .... وانت شباچك زحل شيلوحه.
شلون ما تدري الحلم جرح الفقير .. ماتشوف احلامه كد جروحه.
روحي مذبوحه ذبح وتريد اطيـر ... منيلي حظ يطير المذبوحه
لاتأمنلي بحچي الماجاسه ضيم .... چفي دكَ بوب السمه المفتوحه
وحظي دك اثبات بجناح الفقير .... لا يصعدة ولا ينزل سطوحه
انت بعدك ما نمت فوك الحصير .... و غمست لكَمه ملح بملوحه
لا تلامسني بطرف عينك اذوب .... انه من دم ولحم مو لوحه
ولا تمرجحني برمش عينك اخاف .... انه ماشايف رمش مرجوحه
ولا تكَلي تمرجح شمالك تخاف.... چنت اريدك للسمه توديني ..
بس اخافن ينكطع رمشك واطيح .... وباچر تكَلي طحت من عيني
روح دورلك محب يرهم عليك .... آنه قاموس العشكَـ طاويني
ما عشكَتك واحنه بالطيش استحيت .... شلون احبك من تجي تلاثيني
خلني راضي بفقري وانت ارضه بغناك ....وعوف عيسى بدينه وانه بديني
ولو خلاني الوكت بعت اللحاف .... يعني هسه بكيفي امــد رجليني
لكن ادري بدربي عن دربك بعيد ... ومن زغر هذا الفرق بچاني
انت دفاك الثلج عن لاتموت .... وانه ميت والثلج دفاني
وانت كاروك الذهب ما كفه اديك .... وانه كاروك الكصب كفاني
وحتى لا احلم وامد چفي لسماك .... وانه ارضع كَمطوا ذرعاني
وعن محبتك والله ماشدني الحديد .... هذا رمشك يا ترف شداني
والله احبك من زغر بس ما حچيت ....چنت اريدك تنسعد وي ثاني
ومن اچيت بلهفتك تسأل علي.. .. كَلبي كله تمرجح بشرياني
تالي من غصبن علي كَتلك نسيت .... روح دورلك محب وانساني
اتوسلت بلساني يحچيهة وتروح .. ..ومن رحت عني كَطعت لساني
اني كتلك لا تجي وچي ما اجيت... راحت بابك تدكَ بيباني
أرجو أن تنال إعجابكم . تقبلوا تحيات
[ندعوك للتسجيل في المنتدى أو التعريف بنفسك لمعاينة هذه الصورة]