اطباء المستقبل

بسم الله الرحمن الرحيم

مرحبا شباب شخباركم سلام الكم جميعا من الاستخبارات اتمنالكم عطلة سعيدة يارب تقضونها بخير وسعاده وي الناس الي تحبوهم منورين المنتدى كلكم الكم وحشة يا اباء الضحكات الحلوة انا اليوم اريد منكم بهذا الموضوع كل واحد يكتب احلى موقف ماريد اسوء هااااا بس الي عنده اسوء ميخالف بس كون عالطلبة بالكلية صاير بين قوسين طلعو المضموم ههههههههههههههههههههه انا بالنسبة الي اتذكر موقف امير المولى من شال المايكروسكوب بالمختبر بيوم امتحان البايو العملي من جان السؤال شنو تشوف تحت المجهر وهم قصدهم على نوع النسيج هههههههههههههههه والله كلما اتذكرها اموت ضحك وانشالله اكتبلكم بعد المواقف الي عجبتني يلا راووني همتكم حبابين اريد اضحك على اطباء المستقبل شوية




تحياتي لكم الاستخبارات

الخفاجي

موضوع حلو ومغاير باسلوبه فكرة حلوة خيتو المدللة
اذكر موقف واحد فد يوم عدنة امتحان وجنت جاي للجامعة الكشرة وبيدي ملزمة داقرة بيها وجنت اريد اعبر الشارع العام مال كوفة نجف وبالجزرة الوسطية دنكت على الملزمة حتى اراجع جان مااحس روحي اله واني رجعت متر ليورة لان انضرب راسي بلوحة مال اعلانات والسير جان واكف والعالم كلها كامت تضحك عليه واني (كالبطل )دنكت ومشيت على اساس كلشي ماصار.........
يعني بربكم هي جزرة وسطية عرضها 3 امتار اني ادنك على الملزمة حتى اراجع ليش شنو هالاستعجال والغباء .......
تحياتي اختي slayer

مرحبــــــــــــــــــــــــــــــــــــــــــــــــــــــــــاً


بقلم الوفاء نرد على ممرضة المستقبل د.سحر الخفاجي واقول لها اننا ليس اضحوكه للاستخبارات ....

اما بالنسبه للمواقف فاني راح كل يوم انزل موقف لان ماشاء الله المواقف الي صارت السنه لا تعد ....


الموقف الاول :-
مره كنت اقرض ( اكص ) ببنيه من بنات مرحلتنه ونازل بيها نزله بالكص مو طبيعيه ... بمحاضرة دكتور احمد جمعه (تيوب) .... فقال لي احد من الطلاب نزل صوتك لان البنيه الي جاي تكص بيها جالسه امامك .... ههههههههههههههه ( طبعاً من يومها البنيه بعد حتى متسلم عليه واني ردت اكثر من مرة اروح اعتذر لها بس شنو اقول لها ... الموقف محرج كان كلش ).



د. سحر اشتغلت الغيرة ليش تكتبين الخفاجي بعد متنتهين من الموضوع هاي الفكرة مالتي وحقوقها محفوظه لدى الكعبي حصرياً .... مسحيها لا تروح الاستخبارات في خبر كان

مرحباااااا...

شلونكم كلكم...
أي محمد أذكر هذا الموقف الي صار وياك بس بالنسبه للاستخبارات متكدر أسوي شي لان هي تحت أمرة وزير الدفاع القائد المجاهد المناضل البطل المهيب زيد العبودي(حفظه الله ورعاه وأسكنه فسيح جناتهه الله يرحمه جان خوش ولد)واذا هاي الخفاجيه سوتلك شي بس دزلي مسكول واني أعرف شلون أصرف وياهه


[b] مــــــــــع تحياتي زيــــــــد العبـــــــــودي[/b]

هههههههههههههه حلوة ابو جاسم شوف الله كاعدلك بالمرصاد.والله نيتها صافية هاي البنية وبعدين انت مانتبهت هي كاعدة كدامك بس يله هارد لوك
عشوقي ويني اوين السج بس انت الي تطلع من الامتحان تبجي وتجي الاوراق انت ماخذ درجة كاملة

قصي .... اذا تذكر من اخذنه احمد تيوب بقاعه المرحلة الثالثه فعدد من الطلاب بقوا واقفين لان ماكو كراسي كافيه لعددنا و فهي كانت جالسه بالسره الاخير واني كنت من ضمن الواقفين فما انتبهت لها اصلا.... بس يالله اتصور هي البنيه قلبها طيب وبلكي تسامحنه

مرحبـــــــــــــــــــــــــــــــــــــــــــــــــــــــــــاً


زيد العبودي .... الامانة العامة تقرر منحك منصب الامانه بدلا من منصب وزارة الدفاع وذلك لترقية الامين العام واشغاله منصب الرئاسه وكالة بعد فصل الرئيس الاسبق الخائن (كاظم حسين جلال) ونقله الى معسكر جامعة المستنصريه .... الا ان تقرر الرئاسه بالاتفاق مع اعضاء المعسكر المشكورين على سعيهم المتواصل في تحديد الرئيس الجديد للمعسكر والذي يبدو اقرب للكعبي حسب الدستور العام للحزب وذلك بانتقال الحكم من الرئاسه الى الامانه ... مع الشكر

علما سوف تتم بعض التعديلات المؤقته بالحزب مثلا .... الخفاجيه تشغل منصب الدفاع وكاله وغيرها من التعديلات التي سوف نخبركم بها حال وصولها من مكتب الرئيس .....


مع الشكر

مرحبا شباب طبعا اسفه لانه ماجاي ارد عليكم لان ماعندي اشتراك وهذا الانترنت هسه بوكة وراح يخلص بس ردت اشكركم على ردكم ياقصي اني قصدي موقف عجبك صاير بغيرك مو بيك بس ميخالف مقبولة من ك انت ومحمد الكعبي اني ممرضة موووو والله يلوكلك دكتور زيد جنك نصبت روحك بكيفك خوماكو شي لازم تتقدم بطلب للاستخبارات يلا نقبلك بالمنصب وشنو تريد تتصرف وياي اني عندي ظهر قوي دير بالك تحياتي لكم دكاترة المستقبل اختكم الجبيرة الخفاجي على عنادك الكعبي

هههههههههه والله ضحكتني ابو جاسم بس انشاء الله تسامحك..ابو جاسم مع الاسف تفكك خزبكم صار بي dissociation على كوله الدكتور العظيم الشرس العنيف دكتور. اكيد تعرفه منو محيحتاج اكول ....وانتي ياسلاير شنو مقبولة مني؟اولا اكيد مقبولة مني هههههه..وثانيا راح افصلج من المنتدى وحتى من الحزب على هاي حجايتج (اختكم الجبيرة) هع هع هع هع هذا الحجي عبارة عن بطاقة صفرة لتخليني اصدر عليج مرسوم جمهوري واحرمج من هذا المنتدى ههههههههههههه
تحياتي اختي المدللة

مرحبــــــــــــــــــــــــــــــــــــــــــــــــــــــــــــاً

موقف اليوم :-

اول يوم داومنه بالاقسام الداخليه .... نزل حضرة الدكتور زيد يسوي لنا الغده .... في الحقيقه الشيف زيد حب يخترع فكره جديده في تحضير التمن ... جاب الكدر(الجدر بلهجة اهالي السماوة ) ووضع فيه تقريباً نصف بطل الزيت وذهب الى كيس التمن وفتحه ووضع التمن مباشرةً في الجدر الحاوي على الزيت بدون غسل ... ثم قام بتقلية التمن حتى يستوي ... وربك شافه واحد من غير كليه وعلمه اشلون يطبخ التمن .... فكره جديده تمن مقلي ... يمكن سنة الجاي يسوي لنا تمن شوي...... الله اعلم


بنفس اليوم نزلت اني اسوي العشا فكانت عندنا بيتزا ... فقمت قليتها بس بدون دهن ولو تشوفون الدخان الي صار بالمطبخ عبالك صار حريق بالقسم ... وربك ادخل طالب من كلية التمريض مرحله رابعه وساعدنه في تحضير العشاء


عيني سلاير السرقه حرام .... بس راح اعلمك طريقه تخمطين بيها نت ولو هي حرام بس شسوي للضروره احكام ... اذا تردين الطريقه راح ارسلها لكي برساله خاصه لان اتحمل حرام شخص واحد مو مئه شخص

هااا محمد شنو السالفه سويته نص بطل هو كله بطل واحد خليته بدال المي مو أحسن..

أكلكم معلومه عن محمد أكبر عجوزي شفته بحيالتي ويكتل أبو وأمه علمود النوم.......تحياتي أبد مو خباثه

هاي شنو شباب...!!!طلعتو نار كبرى...
بالنسبه الي احله موقف عندي هو من د. احمد جمعه سولف القصه التي تحمل العنوان (القطه و قوطية المعجون).
و اكو هواي مواقف مثل : ناس تشيل غيبة ناس و رأسا تتزحلك ع الكاع....!!!!؟؟؟؟؟ الله اعلم منو هالناس؟؟؟؟؟؟؟

ههههههههههههههههههههههههه يابه ولد الاقسام انتم كارثة ويني عنكم بذاك اليوم الا اشبع ضحك عليكم على اساس طباخين(مو طباخ واحد) اخي قصي شني صاير حكم واني مادري تنطي بطايق صفر اني محد يكدر يشلعني من المنتدى وامير المولى دكتورنا العزيز موجود (ابد مو لوكية) يا ايها الكعبي شكلولك انا اشتغل خماطة وتريد تعلمني اخمط انترنت عندي اني انترنت بس مايفتح لا ياهو ولا هوتميل اخوية قصر الشوق لا تحجي بالالغاز لان هم اكو ناس تمشي وتنضرب بمراية السيارة هم الله يعلم منو؟؟؟؟ :gkjjkl'uy :gkjjkl'uy :gkjjkl'uy

مرحبا شباب شلونكم مشتاقلكم جميعا

المواقف هواي بس اكو موقف صارلي بالسادس
اكو عدنة مدرس فيزيا يحبني حيل ويحترمني واني كذلك بس هو شنو عنده فد كلمه ملازمتة دائما يكول هنانة يعني من يشرح ايكول هنانة عدنة هيج يعني بس يكولهة هواي ويلفضهة آنانة ما يلفض الهاء فد يوم كلت اريد احسب كم مرة يكول آنانة خلال الدرس
فكلما يكول اكتب اشارة بالدفتر فدايمشي بالممر من يمي اني عفت القلم طبعا جان يكلي ها صفاء شكد صارن اني كبل كلت 57 جان يكول كوم اطلع برة كالاسد ماحجيت ولا كلمة

ههههههههههههههههههههههه عفية طلع اضبط واحد بينا دكتور صفاء واليشوفك ساكت يكول شني هاي البراءة عمي ديرو بالكم منه لحد يوكف كدام الاسد شباب بس صدك موقف يضحك تسلم دكتور(بالعيد نصير دكاترة)

مرحـــــــــــــــــــــــــــــــــــــــــــــــــــــــــباً

سلاير تضحكين علينه مو ؟ ..... شباب خلي اقول لكم بشغله.... يوم الاحد كنت بمديرية الاقسام الداخليه فاعرف احد المشرفين هناك فرايت بالصدفة قسم سلاير وشفت غرفتهن والعقوبات الي عليهن .... اتصوروا تغريم سحر مخده ( سحر خو ما خامطة المخده ) كسر يدات الباب ... يعني غرامة كل واحده بيهن تصير حوالي 18 الف دينار عراقي.... ولو اني كنت بالحسابات الا اسويها 25 الف دينار لان الاضرار كانت كلش هوايه ..... ها سلاير هم تنكرين هذا الشي ...


عيني زيودي .... تريد تنبسط منو اكثر واحد بينه ينام ... مو انت ؟

انعم الله عليك اخمط مخدات مو انت كتلي خمطت مخدتك من الاقسام وكتلي اريد وحدة دبريلي انطيها بمكانها فانطيتك مخدتي انت ماتستاهل وبعدين شكلولك جاكي شان اكسر بيبان خوماكوشي محمد لو تسولف لو تسكت يلا افلت

سلاير....هذا الشخص اللي يمشي و يضرب مراية السياره صدك محد يعرفه!!!!!!
الله اعلم!!!!!!!!!!!!!!!!!!!!!!!!!

ههههههههههههههههههههههههههههه ها قصر الشوق جنك تريد تفضحه يلا كول منو هو حتى يصير كتلك عمل شعبي هههههههههههه تحياتي الك اخوية العزيز

مرحبـــــــــــــــــــــــــــــــــــــــــــــــاً





ابو علي اني اقلك منو هذا الشخص ... خلي اقول اسمه لان اني ما احجي وياه هاي الايام



طبعاً هو ... ابد مو من الناصريه ... وابد مو من سوق الشيوخ .... وابد مو طويل القامه
وابد مايبدي اسمه بحرف السين واسم والده بحرف الميم واسم جده بحرف العين
وابد مو لقب عشيرته الخفاجي وابد ميحب يضحك و ابد مواخوي (اختي )
وابد مو اسمه المستعار بالمنتدى .... سلاير
هسا عرفتوا لو لا .... اني ما عرفته انتم اشلون تعرفونه

انت ابد مو من السماوة وابد مو خبيث وابد ما بسطوك اخر يوم بالاقسام التمو عليك ولد المرحله كلهم وابد ماصار كتلك عمل شعبي يلا وين تضم نفسك مسويلي بيها فاندام محمد اطلع برة بسرعه

مرحبــــــــــــــــــــــــــــــــــــــــــــاً





زيد .... منو بسطكم اخر يوم بالاقسام ... خلي ايدك على القران واحجي وخلي الله امام عينك

ههههههههههههههههههههههههههههههههههههههههههههههه
والله اخربن ضحك هاي شمسوين هنا والحكومة غايبة عنكم