اخر ايامج ........بقلمي

بآخر ايامج
نزلت دموعج يا حــــــلوة وباخر ايامج بجـــــيتي
وفزت اني بالنـــــــــهاية وبالنهاية انتي شجنيتي
جنيتي انتي كل عــذابج وبفراكج انتي شحيتي
حيتي كلبي المات عندج وينبض باسمج لكيتي
شلون دنيــــا دور بيـــنة وخلتج بحبي هويتي
وداع جـــان اول كلامــج يوم ما بيــة التقـــيتي
هسة اني ارد اودعـــج وارد اكلج ليش اجيتي
ملتني ابوابـج يا حـــلوة وارد اذكرج بالنسيتي
وارد اعيش بــدونج اني وارد اسده لباب بيتي
راجعلي كلبي ببتسامة وجاب كلبج وانوليتي
هسة ارد اسأل سؤالج شلون بالحب ابتليتي؟
وارد اكول بكل صــراحة بنظرة من عيني بديتي
و وصلتي لباب كلـــبي خطيتي خطوة وانتهيتي

مرحبــــــــــــــــــــــــــــــــــــــــــــــــا

قصيده روعه وجدا حلوه ونتمنى المزيد من الابداع



الكعبــــــــــــــــــــــــــــــــــــــــــي

عاشت ايدك اموري الورده,مبدع مو بيدك.
تحياتي

احبابي مشكورين علمرور الحلو

مولانا كلهن بقلمي والشعر الشعبي بيتنا

مو مال خواطر حب

سلمت اناملك وابدع فكرك