منتديات كلية طب الأسنان - جامعة الكوفة - تصميم وإدارة الطالب : أمير صلاح المولى

[table borderColor=#ff0080 height="100%" cellSpacing=20 cellPadding=20 width="95%" align=center bgColor=#1f1f1f border=10]
[tr]
[td]
أهلا وسهلا بك زائرنا الكريم
في منتديات كليه طب الاسنان جامعه الكوفه
يشرفنا تسجيلكم في المنتدى
مع تحيات اداره المنتدى
امير المولى
وميثم الشمري

[/td][/tr][/table]
منتديات كلية طب الأسنان - جامعة الكوفة - تصميم وإدارة الطالب : أمير صلاح المولى

*** الإدارة ليست مسؤولة عن الإعلانات التي تظهر في أعلى وأسفل صفحات المنتدى ****** يمكنكم التواصل مع باقي الأعضاء في قسم الدردشة الموجود في أعلى الصفحة الرئيسية وذلك بالضغط على دخول****** لمزيد من المعلومات والإستفسارات وتقديم مقترحاتكم للمنتدى أو شكواكم يرجى التواصل عبر البريد الإلكتروني للإدارة : ameer_salah2005@yahoo.com ****** تمنياتنا لكم قضاء أمتع اللحظات مع أسرة منتديات كلية طب الأسنان - جامعة الكوفة ... دمتم بخير****

    الاقسام الداخلية الى اين ؟؟؟؟؟؟؟؟؟؟؟؟؟؟؟؟؟؟؟؟؟؟

    شاطر
    avatar
    mh0770ed
    مستشار إداري
    مستشار إداري

    ذكر
    العذراء
    تاريخ التسجيل : 09/01/2010
    العمــــــــــــــــر : 25
    الموقع : mh0770ed@yahoo.com

    الاقسام الداخلية الى اين ؟؟؟؟؟؟؟؟؟؟؟؟؟؟؟؟؟؟؟؟؟؟

    مُساهمة من طرف mh0770ed في الثلاثاء يناير 12, 2010 3:13 am



    عدل سابقا من قبل mh0770ed في السبت مارس 27, 2010 8:03 am عدل 1 مرات
    avatar
    mohammad razzaq
    عضو ماسي
    عضو ماسي

    ذكر
    السمك
    تاريخ التسجيل : 31/12/2009
    العمــــــــــــــــر : 26
    الموقع : mohammadmobarak91@yahoo.com

    رد .

    مُساهمة من طرف mohammad razzaq في الثلاثاء يناير 12, 2010 5:40 am


    قبل ما نتكلم بالموضوع احب ارحب بيك زميلي العزيز mh0770ed (امبين انه خطك اسياسل) و انشالله انشوفك عضو فعال بالمنتدى

    احنه كأهل محافظه النجف يعز علينه ان طالب في محافظتنه و من كليتنه يحس بانه ذليل بعد العز و نشعر بانه احنه امقصرين ويه طلاب المحافظات الاخرى و خاصه مع اهل الاقسام ... فماكو يوم مرينه عليكم و لا يوم اتفقدنه وضعيتكم و حتى منعرف ارقام موبايلات الكثير منكم

    عل عموم لتصورون انه اذا كنه نستطيع انقدملكم خدمه راح نبخل عليكم ... و ابواب منازلنه مفتوحه امامكم ... اذا فد يوم ردتوا تقرون و ماكان اكو كهرباء او كنتوا ضايجين و ردتوا اتمرون على احد زملاءكم فلا تترددون ... لان بيوتنه و بيوتكم...اهلنه و اهلكم...بيئتنه و بيئتكم ...ماكو اي اختلاف بيناتهن و احنه الممنونين.

    (و لمن انمر على محافظاتكم انطلعهه من اخشومكم)!!!

    اخيرا اريد اعرف شنو هي الحقوق اللي تقصدهه ابقولك(اين حقوق طالب القسم الداخلي)؟؟
    avatar
    وحيده
    عضو ماسي
    عضو ماسي

    انثى
    تاريخ التسجيل : 22/12/2009

    رد: الاقسام الداخلية الى اين ؟؟؟؟؟؟؟؟؟؟؟؟؟؟؟؟؟؟؟؟؟؟

    مُساهمة من طرف وحيده في الثلاثاء يناير 12, 2010 3:09 pm

    سلام عليكم اولا. موضوعك رائع
    ثانيا.الله يساعدكم اهل الاقسام ولكن الاسباب اني اشوفه من الدوله لان ما وفرتلكم فقط المسكن وانتو كعراقين تحتاجون تعيشون بكرامه وكطلاب تحتاج فقط الدراسه ولكن اسباب الاخرى من عدنا بان احنه نحتاج نطلع بلاذاعات ونسوي مضاهرات نحتج انتو طلاب طب اسنان كنتو او غير تخصص ولد او بنات لكن الحكومه ملتهيه بنفسه بس تبني جسر بلنجف ملايين وهسه مفطر ونازل هم يعتبروه جسر ولو نص هاي الفلوس يوفرولكم خدمات بيه هواي احسن وكان ماعانيتو مثل هسا واحب اكول شي احنه نحجي بدون تطبيق اي لو انتو اهل الاقسام تتصلون باذاعه الغدير وشرحوله ماتعانون بس هل تستطيعون ذلك ام هل تسمع الحكومه وتوفر لكم ما تريدون واعتقد لو راتب واحد من الحكومه جان عشتو بسعاده لان ضلم هو كاعد على الكرسي ويكل ذاك وهذا سوي هيج وسوي هيج ويستلم ملايين واعتذر طولت عليكم
    avatar
    ☻♥ المولے ♥☻
    المديــــــر العـــــــــــام للمنتـــــــــدى
    المديــــــر العـــــــــــام للمنتـــــــــدى

    ذكر
    الجوزاء
    تاريخ التسجيل : 11/12/2009
    العمــــــــــــــــر : 27
    الموقع : ameer_salah2005@yahoo.com

    الله يساعدكم

    مُساهمة من طرف ☻♥ المولے ♥☻ في الثلاثاء يناير 12, 2010 9:55 pm


    السلام عليكم ورحمة الله وبركاته .... حياكم الله ....
    أولا أحب أشكر الأخ محمد رزاق على توضيحه الحلو وكلامه الجميل النابع من القلب
    وكذلك أشكر الأخت دكتوره على هذا الرد ولكن أحب أكلج لو نحجي منا للصبح محد يسمع وكلمن
    يصيح آخ يا روحي ....وإحنا إلنا الله ....
    طبعا موضوعك يا أخ محمد ولو عبارة عن جملة واحدة وبالأحرى سؤال ولكن هذا الجملة تغني عن
    لكثير من الكلام فهي تعكس معاناة أخوتنا الطلاب وكذلك خواتنا الطالبات بالأقسام الداخلية ....
    اني ويشهد الله على كلامي دائما ما أفكر بكم وأفكر بمعاناتكم وأتذركركم في أكلي وشربي ونومي
    ودراستي وفي كل لحظة أمر بها أقول : ( يا ترا ما حال زملائي في الأقسام الداخلية ) ودائما ما
    أتمنى لكم الخير والحياة الهانئة السعيدة ... بس هم في بعض الأوقات لمن أضوج أكول ( نيالهم أهل الأقسام
    كاعدين سوا ومتونسين وواحد يخفف عن الثاني ) بس هم فراق الأهل صعب جدا ...واني أقدر هذا الشي
    أما بالنسبة للخدمات الي دا يقدموها ألكم أعتقد أنها لا تتناسب مع وضعكم كطلاب مجموعة طبية ..
    وأتمنى أن نسمع أخباركم الطيبة ويستحن وضعكم واحنا أهلكم وانشالله ما نحسسكم بالغربة وأي شي
    تحتاجونة احنا بخدمتكم ومشكولة ذمتكم اذا تحتاجون شي وما تجون علينا ... وأحنا بدورنا أكيد
    نساعدكم بالامور الي نكدر عليها وأتمنى أنو يوم الخميس دائما يكون يوم سهل ومو ثكيل حتى ننطيكم
    المجال الكافي للنزول لمحافظاتكم ... وأتمنالكم سنة مليئة بالفرح والسعادة والتألق بالمجال الدراسي
    وانشالله هذي الأيام تكون ذكريات حلوة تبقون تتذكروها طول عمركم وانشالله نترك أثر طيب في قلوبكم
    والي يريد السنة القادمة يرجع لمحافظته الله ومحمد وعلي وياه وأتمنى أن تكون عملية النقل سهلة
    وبدون تعقيد بس راح نفتقده ونخسره كأخ أو أخت عزيزين على قلوبنا والي يحب يستمر ويانا بالكلية
    ( وهذا الشي الي نتمناه ) نحطه بنص عيوننه واذا أرض النجف ما وسعتكم توسعكم قلوبنا وعيوننا
    تحياتي ألكم جميعا ....


    _______________________________________________
    أمير صلاح المولى جامعة الكوفة كلية طب الأسنان أمير المولى
    [ندعوك للتسجيل في المنتدى أو التعريف بنفسك لمعاينة هذه الصورة]
    أمير صلاح المولى جامعة الكوفة كلية طب الأسنان أمير المولى
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]
    أمير صلاح المولى جامعة الكوفة كلية طب الأسنان أمير المولى
    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]
    أمير صلاح المولى جامعة الكوفة كلية طب الأسنان أمير المولى
    [ندعوك للتسجيل في المنتدى أو التعريف بنفسك لمعاينة هذه الصورة]
    أمير صلاح المولى جامعة الكوفة كلية طب الأسنان أمير المولى
    [ندعوك للتسجيل في المنتدى أو التعريف بنفسك لمعاينة هذه الصورة]
    avatar
    mh0770ed
    مستشار إداري
    مستشار إداري

    ذكر
    العذراء
    تاريخ التسجيل : 09/01/2010
    العمــــــــــــــــر : 25
    الموقع : mh0770ed@yahoo.com

    رد: الاقسام الداخلية الى اين ؟؟؟؟؟؟؟؟؟؟؟؟؟؟؟؟؟؟؟؟؟؟

    مُساهمة من طرف mh0770ed في الجمعة يناير 29, 2010 3:37 pm

    سلام عليكم
    بعد السلام عجز لساني على شكركم يا اخوتي في مدينة العلم مدينة امير المؤمنين (ع) وصدقوني بعد ما قريت رسالتكم صار عندي احساس انو اني ساكن في مدينتي واحب اشكركم مرة ثانية وعساكم طيبين
    وتحية خاصة من مدينتي مدينة الكرم (من مدح نفسه ذمها) مدينة السماوة الى اهل النجف
    لان بالفترة الاخيرة صايرة خلافات حادة بين المحافظتين وجاي نلاقي صعوبه في الحصول على
    سيارات تنقلنة الى مدينتنا نتمتة الحل السريع باذن الله
    avatar
    فلسفة رجل
    المراقــــــــــــب العــــــــــــــام
    المراقــــــــــــب العــــــــــــــام

    ذكر
    السرطان
    تاريخ التسجيل : 02/01/2010
    العمــــــــــــــــر : 24
    الموقع : iraQ.najaf

    رد: الاقسام الداخلية الى اين ؟؟؟؟؟؟؟؟؟؟؟؟؟؟؟؟؟؟؟؟؟؟

    مُساهمة من طرف فلسفة رجل في الثلاثاء فبراير 02, 2010 11:00 pm

    دمُ الود والقربى وإن كان ظالماً عزيزٌ علينا أن نراهُ يسيلُ

    وحق رب العالمين أنقهر على أهل المحافظات ( ولد وبنات ) أكثر مما أنقهر على نفسي في بعض الأحيان لأن والله (( مجاهدين )) بمعنى الكلمه .. لكن مثل ميگولون ( العين بصيره والإيد گصيره ) الله كريم ان شاء الله تتحسن اوضاعكم ويقدمولكم أفضل الخدمات بحيث تغنيكم عن الإشتياق الى أهلكم واحنه وياكم للموت والله العظيم اللي يطلع بادينه مانقصر بي @@

      الوقت/التاريخ الآن هو الجمعة يونيو 23, 2017 9:53 am