يم شاطي الغرام اتواعدت وياج
يلي علوصف ذوبتي وجداني
وتانيتج عشر ساعات نص الصيف
مثل خراع خضره بحقل ويتاني
ولمحتج من بعيـد اكبلتي والاوتار
صارت من صدك تعزف ابالحاني
بس لمن وصلتي الحدي مامعقول
شفت رجال لابس لبس نسواني
انه ابدنياي ما شايف مره بهالحال
وشواربهه مثل سلطان عثماني
ولاشايف اخدود امحفره ابجاكوج
ولاشايف احواجب جنهه قيطاني
ولا شايف اعيون ابها الحول هيهات
يالخشمج مثلث يشبه احصاني
ولا شايف ادين يشبهن الجفجير
ولا رجلين جنهن كرك بستاني
ولا شايف اسنون ابها الشكل واللون
مثل سنون ذيب ابحلك انساني
وصرت مثل المريض البالشلل مصيوب
ما اكدر احرك ايدي والساني
طركاعة عليج عالذي جابوج
يا وجه الكدر يالما الج ثاني
بس اطلب طلب منج كبل ما روح
اريدج بالمسنجر مسحي عنواني